საჯარო და კერძო სკოლებში სწავლა 16 სექტემბერს დაიწყება. ახალი სასწავლო წელი 2019 წლის 16 სექტემბერს, ორშაბათ დღეს იწყება, რადგან მინისტრის ბრძანებით სწავლის დაწყების მუდმივ თარიღად განსაზღვრული 15 სექტემბერი დასვენების დღეს (კვირას) ემთხვევა და სასწავლო პროცესი კანონში არსებული ჩანაწერის თანახმად, ორშაბათს, 16 სექტემბერს უნდა დაიწყოს. კანონით კი განსაზღვრულია, რომ სკოლაში შესვლის ასაკი არის 6 წელი.
განათლების მინისტრის ბრძანება ითვალისწინებს ასევე სწავლის დაწყების გადავადების შესაძლებლობასაც, თუკი სკოლას სარემონტო სამუშაოები დაუსრულებელი ან სხვა კონკრეტული მიზეზი აქვს.
