თბილისში ცეცხლსასროლი იარაღის უკანონო შეძენა-შენახვა-ტარების ბრალდებით 45 წლის მამაკაცი დააკავეს. დაკავებული ავტომობილით გადაადგილდებოდა, საიდანაც სამართალდამცავებმა დიდი ოდენობით რამდენიმე ტიპის ცეცხლსასროლი იარაღი მჭიდებითა და საბრძოლო ვაზნები ამოიღეს.
დანაშაული 4-დან 7 წლამდე ვადით თავისუფლების აღკვეთას ითვალისწინებს.
“სამართალდამცველებმა ბრალდებული თბილისში იმ დროს დააკავეს, როდესაც იგი ავტომანქანით გადაადგილდებოდა. პოლიციამ, დაკავებულის მართვის ქვეშ არსებული ავტომანქანის ჩხრეკისას, მაკაროვის სისტემის პისტოლეტი, “ჩეზეს” სისტემის პისტოლეტი და “ჰეკლერ-კოხის” სისტემის ავტომატი, სხვადასხვა სისტემის იარაღის 6 მჭიდი და 126 საბრძოლო ვაზნა ამოიღეს, რომლებზეც დანიშნულია შესაბამისი ექსპერტიზები.
გამოძიება ცეცხლსასროლი იარაღის და საბრძოლო მასალის მართლსაწინააღმდეგო შეძენა-შენახვის და ტარების ფაქტზე მიმდინარეობს, საქართველოს სისხლის სამართლის კოდექსის 236-ე მუხლის მე-3 და მე-4 ნაწილებით.”-აღნიშნულია შსს-ს მიერ გავრცელებულ ინფორმაციაში.
