სამხრეთ ოსეთის ე.წ პრეზიდენტი ანატოლი ბიბილოვი მოსახლეობას მოუწოდებს არ აჰყვნენ ჭორებს და სიმშვიდე შეინარჩუნონ. ბიბილოვი ფეისბუქის საკუთარ გვერდზე წერს, რომ არანაირი სამხედრო დაპირისპირება, რომელიც ქართულ მხარეს უნდა, არ იქნება.
“სოფელ წნელისში შექმნილი მდგომარეობის გამო ბევრმა დაიწყო სიტუაციის დაძაბვა რესპუბლიკაში. მინდა ყველას განვუმარტო, რომ არანაირი სამხედრო დაპირისპირება, რაც ქართულ მხარეს უნდა, არ იქნება! სოფელ წნელისის მცხოვრებლები უკვე სრულ უსაფრთხოებაში არიან და მათ სასაზღვრო სამსახური იცავს! ასევე უარვყოფ ხმებს, რომ პრეზიდენტმა გაიყვანა თავისი ოჯახი! უფროსი შვილის გარდა,რომელიც სასწავლებლად დედის თანხლებით რუსეთში გაემგზავრა, ჩემი ოჯახი ადგილზეა,“- წერს ბიბილოვი ფეისბუქში.
