საზოგადოებრივი მოძრაობის „ქვეყნის სამსახურში“ წარმომადგენლებმა შინაგან საქმეთა სამინისტროს წინ მდუმარე პერფორმანსი გამართეს. მათ უწყების შენობის წინ სკოლის მერხი და სკამი მიიტანეს.
როგორც სამოქალაქო მოძრაობის “ქვეყნის სამსახურშის” ერთ-ერთმა წევრმა ნოდარ რუხაძემ განაცხადა, ამ ფორმით მათ 15 წლის მოზარდის გარდაცვალების ფაქტი გააპროტესტეს.
„სისტემა არის მოძალადე. ჩვენ გავაპროტესტეთ სისტემის ძალადობა,“ – განაცხადა მან.
გარდა ამისა, „სირცხვლია“, „შეცვალე“ და „გაბედე“ დღეს, 19.00 საათზე, შინაგან საქმეთა სამინისტროსთან აქციას გეგმავს.
