საქართველოს 8 მოქალაქე უკვე ოთხი დღეა ვენის აეროპორტში რჩება . მათ ავსტრიის საზღვრის გადაკვეთის უფლება არ მისცეს. საქართველოში მათი დეპორტაცია შაბათს მოხდება, მანამდე კი აეროპორტის ტერიტორიაზე სპეციალურ იზოლირებულ ზონაში რჩებიან.
საქართველოს მოქალაქეები ამბობენ, რომ საბუთები წესრიგში ქონდათ და გაუგებარია რატომ არ მისცეს ქვეყანაში შესვლის უფლება.
საგარეო საქმეთა სამინისტროში კი განმარტავენ, რომ საქართველოს კონსულს ჰქონდა კონტაქტი ავსტრიულ მხარესთან, რომლის ინფორმაციითაც საეჭვო სწორედ მათი დოკუმენტები გახდა, რის გამოც ქვეყანაში არ შეუშვეს.
