საქართველოს დაზვერვის სამსახურს ლევან იზორია უხელმძღვანელებს. ამის შესახებ ინფორმაციას უწყება ავრცელებს.
„ლევან იზორია სამსახურის მოსამსახურეებს შეხვდა, ასევე გაეცნო სამსახურში განხორციელებულ რეფორმებს. მან ხაზი გაუსვა სამსახურის ყოფილი უფროსის პროფესიონალიზმსა და ღვაწლს ქვეყნისა და სამსახურის წინაშე, მადლობა გადაუხადა დავით სუჯაშვილს და მომავალ საქმიანობაში წარმატება უსურვა“, – აღნიშნულია საქართველოს დაზვერვის სამსახურის ინფორმაციაში.
