საქართველოს ტერიტორიულ წყლებში ნატოს ხომალდები შემოვიდნენ. დახვედრის ოფიციალური ცერემონიალი ფოთის პორტში გაიმართა.
ნატოს მუდმივმოქმედი მეორე საზღვაო შენაერთის შემადგენლობაში ნიდერლანდების, თურქეთის, ბულგარეთის და რუმინეთის საფლაგმანო ხომალდები შედის. აღნიშნული ხომალდები საქართველოს სანაპირო დაცვის ორ მცურავ საშუალებასთან – „დიოსკურია“ და „ოჩამჩირესთან“ ერთად ერთობლივ წვრთნებს ჩაატარებენ.
„ჩვენი ქვეყნისათვის ძალიან მნიშვნელოვანია ევროატლანტიკურ ალიანსში გაწევრიანება. ეს არის ჩვენი ქვეყნის უსაფრთხო მომავლის გარანტი და იმ კურსის გაგრძელება, რასაც ჩვენ ამდენი წლის განმავლობაში ვცდილობთ,“- განაცხადა სამეგრელო-ზემო სვანეთის სახელმწიფო რწმუნებულმა ალექსანდრე მოწერელიამ.
ნატოს ხომალდები საქართველოს ტერიტორიულ წყლებს 4 აპრილს დატოვებენ.
