“რუსთავი 2 არის საუკეთესო ილუსტრაცია რომ სასამართლო საქართველოში არის სამართლიანი”-განაცხადა ირაკლი კობახიძემ პარლამენტის პლენარულ სხდომაზე.
ირაკლი კობახიძე უზენაესი სასამართლოს კონკრეტულ გადაწყვეტილებას “რუსთავი 2”-ის საქმეზე შეეხო და განაცხადა, რომ ტელეკომპანია ნაციონალურმა მოძრაობამ უკანონოდ ჩაიგდო ხელში და ის კანონიერ მფლობელს უნდა დაუბრუნდეს.
პარლამენტის თავმჯდომარის განცხადებით,საქართველოში სასამართლო არის სამართლიანი, რადგან სწორედ უზენაესმა სასამართლომ გადაწყვიტა, რომ “რუსთავი 2” უნდა დაუბრუნდეს კანონიერ მფობელს.
“ყველამ იცის რაც მოხდა რუსთავი 2-ზე, როგორ წაართვით ბატონო გიგა რუსთავი 2 კანონიერ მესაკუთრეს. დღეს რუსთავი 2 არის ნაციონალური მოძრაობის და მიხეილ სააკაშვილის საკუთრებაში და ერთადერთი რაც თქვა წარმოდგენილი უზენაეს სასამართლოს ცხრავე მოსამართლემ ერთხმად რომ სააკაშვილმა უკანონოდ დაისაკუთრა “რუსთავი2”, ეს არის ჭეშმარიტება, რომელსაც ალტერნატივა არ აქვს, რადგან ეს იცის ქართველმა ხალხმა. “რუსთავი 2″ არის საუკეთესო ილუსტრაცია რომ სასამართლო არის სამართლიანი და ის უბრუნებს კანონიერ მესაკუთრეებს წართმეულ ქონებას”- ირაკლი კობახიძემ.
