ბესელია ამბობს, რომ მის სალანძღავად პარტიაში მესიჯბოქსი შემუშავდა, რომელიც მამუკა მდინარაძემ შეცდომით მას ჩაუგდო.
“ჩემთან დაკავშირებთ, როგორც ჩანს მომზადდა მესიჯი და მამუკა მდინარაძემ გზავნიდა იქ, სადაც იგზავნება ხოლმე მესიჯები და მოვიდა ჩემს „ვოთსაფში“, სადაც ეწერა ეკა ბესელია და იწყებოდა ლანძღვა გინება, რა უნდა ილაპარაკონ ეკა ბესელიაზე.
წავიკითხე და მივხვდი რომ შეცდომით გამოაგზავნა. ჩემთან დაკავშირებით შემუშავდა მესიჯები, იმიტომ დამწკრივდნენ ეს უმწიფარი ბიჭები, მართლა არაკაცები, რას დაემსგავსნენ, დამწკრივდნენ და დილიდან აკეთებენ ამ სამარცხვინო კომენტარებს. ზუსტად იგივეა გამოგზავნილი რაც ილაპარაკა მდინარაძემ კობახიძემ, ვოლსკიმ…
ვოლსკი არ გამორჩეს ახლა, ზარდიაშვილის დონეზეა უკვე დასული. ძველი ბიჭის ხმით ილაპარაკოს ეკა ბესელიაზე და მერე მაგარი და ღირსეული პოზიცია ექნება. მშვიდობაში მასაც ეს როლი. მე ამათ რომ ვიყურებ მეცინება, ნახეთ რა დღეში არიან, რას დაემსაგავსა ეს ყველაფერი. მრცხვენია მართლაც რომ ამ პარტიაში ამდენი წელი ვიყავი….
ამ მესიჯში წერია, როგორ უნდა მლანძღონ და მთათხონ… მერე მივწერე მდინარაძეს, ეს მესიჯი მე უნდა გავახმოვანო თქო? მერე ამას მოყვა მისი ახსნა განმარტებები და ბოდიშები. ვის რაში უნდა მისი ბოდიშები”, – ამბობს ეკა ბესელია.
მამუკა მდინარაძე მესიჯის გაგზავნას არ უარყოფს, თუმცა ამბობს რომ ეს არა მესიჯბოქსი, არამედ ეკა ბესელიას შესახებ მისი თანაგუნდელების მიერ გამოთქმული მოსაზრებების ნაკრები იყო, რომელიც ოცნების წევრს, ნინო წილოსანს კითხვის პასუხად გუგზავნა.
