შეკვეთილში, ბიძინა ივანიშვილის სახლთან – აქცია, სადაც 2 კვირაა გიორგი გახარიას თანამდებობიდან გადადგომას ითხოვენ, სამოქალაქო ტანსაცმელში მისულმა პირებმა დაარბიეს.
აქციის მონაწილეებს თავს დაახლოებით, 50-მდე ადამიანი დაესხა. თვითმხილველების თქმით, მათი უმეტესობა, სავარაუდოდ, ნასვამ მდგომარეობაში იმყოფებოდა.თავდამსხმელებმა დაშალეს კარავი, ჩამოხსნეს საპროტესტო ბანერები, მოშიმშილეები კი ადგილიდან გააძევეს.
აქციის მონაწილეები ხელისუფლებას აკისრებენ და აცხადებენ, რომ “ტიტუშკები” სწორედ მთავრობის მიერ არიან მოგზავნილები.
ისინი სამართალდამცველებს უმოქმედობაში ადანაშაულებენ და აღნიშნავენ, რომ ინციდენტის დროს პოლიციამ რეაგირება არ მოახდინა. აქციის მონაწილეები და ოპოზიციის წევრები მოითხოვენ, რომ მომხდარზე დროულად დაიწყოს გამოძიება და დადგინდეს თავდამსხმელთა ვინაობა.
მოშიმშილეები მომხდარის მიუხედავად პროტესტის შეწყვეტას არ აპირებენ და გახარიას გადადგომას მოითხოვენ.
