მსოფლიო ჩემპიონს, ლაშა ბექაურს შინაგან საქმეთა სამინისტრო დაუმორჩილებლობას და ხულიგნობას ედავება.
„ლაშა ბექაურის მიმართ დაწყებულია ადმინისტრაციული წარმოება, ადმინისტრაციულ სამართალდარღვევათა კოდექსის 173-ე (სამართალდამცავი ორგანოს თანამშრომლის კანონიერი მოთხოვნისადმი დაუმორჩილებლობა) და 166-ე (ხულიგნობა) მუხლებით. მოგვიანებით ბექაური, სამართალდამცველებმა ხელწერილის საფუძველზე გაათავისუფლეს“, – აცხადებენ შსს-ში.
შეგახსენებთ, ბექაურმა სოციალურ ქსელში განაცხადა, რომ პოლიციელებმა მასზე იძალადეს. ბექაურის თქმით, სამართალდამცავებმა მას იმის გამო სცემეს, რომ პირადობის მოწმობა არ წარადგინა. მოგვიანებით, ბექაურმა პოსტი წაშალა.
