გორის მუნიციპალიტეტის საზოგადოებრივი ჯანდაცვის ცენტრის დირექტორის მარინე გიუნაშვილის თქმით, შსს თბილისი-ზუგდიდის სამარშრუტო ტაქსის იმ მგზავრის ადგილსამყოფელის დადგენას ცდილობს, რომელმაც სავარაუდოდ, თვითიზოლაციის რეჟიმი დაარღვია.
„პირი გორთან გაიქცა სამარშრუტო ტაქსიდან. პოლიციამ მაცნობა, რომ მივსულიყავი, რადგან მგზავრები იყვნენ პანიკაში. მივედი ადგილზე. როგორც მგზავრებმა განაცხადეს, პირი თავად ესაუბრებოდა ტელეფონზე ვიღაცას და ამბობდა, რომ პოლონეთიდან 4 დღის წინ ჩამოვიდა და ახლა თვითიზიოლაციაში უნდა ყოფილიყო. მას შემდეგ, რაც მგზავრებმა პოლიციაში დარეკეს, ის სამარშრუტო ტაქსიდან გაიქცა“, – განაცხადა გიუნაშვილმა.
სამარშრუტო ტაქსის მგზავრებს შიდაიზოლაციის დაცვის რეკომენდაცია მისცეს.
შსს-ში აცხადებენ, რომ თუ დადასტურდება რომ მამაკაცმა თვითიზოლაციის წესები დაარღვია, მას კარანტინში გადაიყვანენ.
