გადაცემა კვირის აქცენტებში საღამოს ნიკა მელია ჩარეთო მას შემდეგ, რაც გადაცემაში სანდრა რულოვსის ჩართვა დასრულდა. სანდრა რულოვსმა განაცხადა, რომ ის წაგების შემთხვევაში ივანიშვილის წინააღმდეგ აქტიურ ბრძოლას იწყებს და მთელ საქართველოს შემოივლის.
ნიკა მელიამ, რომელიც გადაცემაში ზესტაფონიდან ერთვებოდა და ზესტაფონის არჩევნებზე საუბრობდა, ზუგდიდის მოვლენებზეც გააკეთა განცხადებები. მას სანდრა რულოვსი არ უხსენებია, თუმცა ცხადი იყო, რომ სწორედ მას გულისხმობდა:
“არ უნდა გავაკეთოთ გაუაზრებელი განცხადება, რომელიც ოპოზიციურ მუხტს მოკლავს. ოპოზიციონერებმა უნდა ვისწავლოთ.რაღაცას თუ ვიტყვით – ყველა ოპოზიციური პარტის ლიდერს და ყველა ოპოზიციურ ლიდერს ეხება – რაღაცას თუ ვიტყვით უნდა გავაკეთოთ. სიტყვების რახარუხს თავი უნდა გავანებოთ რა. არ შეიძლება წინდაუხედავი განცხადებების გაკეთება. არაფერი ისე არ აგდებს ჩვენს ამომრჩეველს ფრუსტრაციაში, არაფერი ისე არ იწვევს იმედგაცრუებას, როგორც გულზე მჯიღის ცემა, რომ ახლა მოვალთ და დედას გიტირებთ და არ მოდიხარ. ეხლა გამოვალთ ხალხი ქუჩაში და ამას არ ვაკეთებთ. ეს არ შეიძლება. არაფერი არ აგდებს ამომრჩეველს დეპრესიაში უფრო მეტად, ვიდრე მსგავსი დამოკიდებულება. ჩვენ სულ თავისუფლად შეგვეძლო ეს არჩევნები გამოგვეტოვებინა. ჩვენ არ ვიცოდით რომ შუალედური არჩევნები იყო? ზესტაფონში ან ზუგდიდში მონაწილეობა რომ არ მიგვეღო ვინ რას გვეტყოდა? ვეტყოდით რომ მთავარ არჩევნებს ველოდებით.
ბევრი ოპოზიციური პოლიტიკოსი გამოდის, რომ თუ ეს არ იქნება გამოვალ ხვალ და დავიწყებ რევოლუციას და არ იწყება ეს რევოლუცია და უარეს სასოწარკვეთაში ვაგდებთ ამ ამომრჩევლებს. არ შეიძლება ასეთი წინდაუხედავი განცხადებების გაკეთება.“– განაცხადა ნიკა მელიამ.
გადაცემის წამყვანები დაინტერესდნენ, ვის გულისხმობდა მელია ამ განცხადებაში და გულისხმობდა თუ არა სანდრა რულოვსს. მელიას რულოვსი არ დაუსახელებია, თუმცა ფაქტიურად დაადასტურა, რომ სწორედ მას გულისხმობდა:
“მიმხვედრი მიხვდება. თუნდაც ჩემი პარტიის, თუნდაც გაერთიანებული ოპოზიციის წარმომადგენელი იქნება თუ სხვა ოპოზიციური პარტიის არ შეიძლება ხალხო.
ვერავინ ვერ დამწამებს ცილს, რომ არ ვიბრძვი და თავი არ შემიშვერია, მაგრამ მაპატიეთ ეხლა, მტკიცებულებები უნდა დავდოთ, თუნდაც ზესტაფონში. მე ეხლა აქ ავდგები და ვიტყვი რომ დავამარცხეთ ახლა ზესტაფონში თუ მეორე ტური ვერ გავაკეთეთ, მაგრამ მტკიცებულებები უნდა ვაჩვენოთ. ხუთი ათასი ადამიანი ვართო რომ ვიძახდით ზუგდიდში ხუთი ათასი დამკვირვებელი ვართ და ვერავინ ვერ გაგვიყალბებსო ზუგდიდში, ეხლა რომ გამოვალთ და ვიტყვით გაყალდბაო, მტკიცებულება უნდა განახოთ მე პირადად თქვენ, იმიტომ რომ არასერიოზულად ვჩანვართ, ეს არის დათვური სამსახური. ეს არ არის ის, რაც წაადგება საერთო ბრძოლას.
არ უნდა დავაზიანოთ მთავარი მიზანი. არ შეიძლება გაუაზრებელი – ხვალ და ზეგ ვიწყებ ამის თქმასუბრალოდ არ მინდა რომ ივანიშვილის წისქვილზე წყალი დავასხათ. ისე ავწიოთ თამასა, რომ მერე გამოვიწვიოთ წარმოუდგენელი იმედგაცრუება და ეს მომხარა არა ერთხელ. არაერთ ოპოზიციურ მოძრაობას გაუკეთებია, თუნდაც ნაციონალური მოძრაობის ხელისუფლებაში ყოფნისას მომხდარა.
მე წინააღმდეგი ვარ კონკრეტული თარიღების დათქმისა. სანამ განცხადებებს გავაკეთებთ , მანამდე არ დაგვავიწყდეს, ეს არის გაერთიანებული ოპოზიცია, ნაციონალური მოძრაობა თავისი მმართველი ორგანოთი, ეს მნიშვნელოვანი გადაწყვეტილებები უნდა მიიღებოდეს შიგნით, პოლიტიკური საბჭო იქნება ეს თუ აღმასრულებელი რგოლი პარტიისა. არ შეიძლება ასე გაუაზრებლად ცხელ გულზე ვთქვათ, რომ მოგვპარეს. მოგვპარეს რა თქმა უდა, მოტაცებებზე იყო საუბარი, შანტაჟზე და მუქარაზე, და წარმოუდგენელი მეთოდებით, მაგრამ ეს ხომ ვიცოდით რომ ამას აკეთებდნენ, მაგრამ დავდექით ფაქტის წინაშე. ახლა უნდა შევიკრიბოთ, მოვიფიქროთ ზუსტი სამოქმედო გეგმა და ამის შემდეგ უნდა გაცხადდეს. ამის შემდეგ უნდა საზოგადოებას ვამცნოთ ჩვენი სამოქმედო გეგმა.ემოციებზე ისეთი განცხადებები არ უნდა გავაკეთოთ, რომელიც ივანიშვილს გააძლიერებს და ოპოზიციურ მოძრაობას, რომელიც მზარდია დაასუსტებს.“– განაცხადა ნიკა მელიამ.
ნიკა მელიას განცხადებები გადაცემის წამყვანების მიერ ნაციონალურ მოძრობაში დაპირისპირების დასაწყისად შეფასდა.
