სოლიდარობის აქცია, რომელიც დღეს სახელმწიფო კანცელარიასთან დაიწყო და ბოლოს ვაკის პოლიციასთან დასრულდა, შეწყდა. სოლიდარობის ქსელი სამუშაო ფორმატში გადადის და ყველა ჯგუფთან შეხვედრას გეგმავს, ვისი შრომითი უფლებებიც ირღვევა. შემდეგ კი შრომითი უფლებების დასაცავად სამოქალაქო მოძრაოის დაწყებას აანონსებენ. კონკრეტული გეგმები ჯერჯერობით უცნობია.
სოლიდარობის აქცია 31 მარტს თბილისში, ჭავჭავაძის 5–ში მშენებლობაზე მიწის ჩამოშლის შედეგად დაღუპულ ორ მუშას მიეძღვნა. მსვლელობა რუსთაველის გამზირის გავლით ჭავჭავაძის 5–მდე მივიდა, სადაც აქციის მონაწილეებმა ღობის გარღვევა სცადეს, რა დროსაც აქციის 4 მონაწილე დააკავეს. მოგვიანებით აქციამ კახა კალაძის სახლთან გადაინაცვლა. მონაწილეები თბილისის მერთა შეხვედრას ითხოვდნენ, თუმცა კალაძე აქციის მონაწილეებთან არ მივიდა.
კალაძის სახლიდან მსვლელობა გაიმართა ვაკის პოლიციისკენ, სადაც დაკავებულები იმყოფებიან. პოლიციაში მისვლიდან მალევე აქციის მონაწილეებმა დაშლის შესახებ განაცხადეს.
