საღამოს დაახლოებით რვა საათისთვის სროლის ხმა ისმოდა მთაწმინდაზე, ვეჯინის ქუჩაზე. თვითმხილველების თქმით შუა ხნის მამაკაცმა სამართალდამცავების მიმართულებით ისროლა.
შინაგან საქმეთა სამინისტროში მთაწმინდაზე მომხდარ ფაქტს ადასტურებენ და განმარტავენ, რომ პოლიცია ყაჩაღობაში ბრალდებულის დაკავებას ცდილობდა, რა დროსაც მან პოლიციას ცეცხლი გაუხსნა. სამართალდამცველებმა კი ჰაერში ისროლეს.
მომხდარის შედეგად არავინ დაშავებულა. ბრალდებული უკვე დაკავებულია. საქმეზე გამოძიება სისხლის სამართლის კოდექსის 179-ე მუხლით მიმდინარეობს.
