თურქეთში, სტამბოლში საბიჰა გიოქჩენის აეროპორტში ,,პეგასუს”-ის ავიახაზების ბოინგი დაშვებისას ბილიკიდან გადავარდა და სამ ნაწილად გადატყდა. დაშავებულია 120 ადამიანი.
CNN-ის ინფორმაციით, ბოინგში სულ 171 მგზავრი და ეკიპაჟის 6 წევრი იმყოფებოდა.
თურქეთის ტრანსპორტის მინისტრის მეჰმეთ ჯაჰიდ თურჰანის განცხადებით, ინციდენტის შედეგად დაღუპულები არ არიან. დაშავებულები საავადმყოფოში გადაიყვანეს.
თვითმფრინავს დაშვებისას ხანძარი გაუჩნდა.
აეროპორტი უბედური შემთხვევის შემდეგ დროებით დახურულია.
