“თავიდან ბოლომდე ეს არის ბიძინა ივანიშვილის ბრძოლა პატრიარქის წინააღმდეგ“–არჩილ გამზარდია

საზოგადოებრივი კომუნიკაციების მართვის სპეციალისტი, არჩილ გამზარდია თვლის რომ საპატრიარქოში დაწყებულ პროცესებში ხელისუფლების ხელი ურევია და პატრიარქის დისკრედიტაცია ბიძინა ივანიშვილის ინტერესებშია:

“ქართული ოცნების” ხელისუფლების წარმომადგენლები სულ ტყუილად ცდილობენ ოპოზიციაზე აქცენტის გადატანას საპატრიარქოში მიმდინარე პროცესებთან დაკავშირებით. თავიდან ბოლომდე ეს არის ბიძინა ივანიშვილის ბრძოლა პატრიარქის წინააღმდეგ, რომელსაც “ქართული ოცნების” მაღალჩინოსნები ანხორციელებენ.

ბიძინა ივანიშვილს არასდროს მოსწონდა როდესაც ვინმეს ავტორიტეტი თავისაზე მეტი იყო, მითუფრო პატრიარქის, რომელსაც ივანიშვილიც კი იძულებული იყო ანგარიში გაეწია. დღევანდელი პრემიერ მინისტრი გახარია ჯერ კიდევ როდის ავალებდა სპეცსამსახურებს სასულიერო პირების წინააღმდეგ კომპრომატები შეექმნათ და მოეძიათ.

კიდევ ბევრი რამეა მოსაყოლი,მაგრამ რასაც ეს ორი დღეა “ქართული ოცნება” ცდილობს, რომ პროცესის აქცენტი გადაიტანოს “ნაციონალურ მოძრაობაზე”, უბრალოდ არის აბსურდი და “ქართული ოცნების” პროპაგანდისტული მონსტრის მცდელობა.

თავიდან ბოლომდე, ბოლო წლებში პატრიარქისადმი დარტყმები, მისი გარიდებისა და შესაძლოა ლიკვიდაციის მცდელობები მოდის “ქართული ოცნების” ძალაუფლების ცენტრების, ცხადია, მათ შორის, ივანიშვილის მხრიდან, ისინი იწყებენ თანამშრომლობას ამა თუ იმ პირთან და როდესაც გრძნობენ, რომ აგებენ, შემდეგ “განტევების ვაცად” აქცევენ, ასე მოექცნენ დეკანოზ მამალაძესაც, ასე მოექცნენ ყოფილ მიტროპოლიტ პეტრე ცაავასაც.“– ამბობს გამზარდია