სიენენის მოგზაურობის რუბრიკა აქვეყნებს სტატიას სათაურით: ევროპის 20 ულამაზესი ქალაქი, სადაც ტურისტები თითქმის არ არიან:
“მაშინ, როცა ევროპის ყველაზე ცნობილ ტურისტულ მიმართულებებზე ტურისტების ნაკადი არ წყდება, კარგი დროა შესანიშნავი ვარიანტების მოსაძებნად, რომლებიც ნაკლებ სტუმრებს იზიდავენ.
გნებავთ სადმე ახალ ადგილზე იმოგზაუროთ, ისე რომ ტურისტების უზარმაზარ ნაკადში ბრძოლა არ მოგიწიოთ, რომლებსაც პარიზში, ვენეციაში და ამსტერდამში სელფის გადაღება უყვართ?
ჩვენ შევარჩიეთ ევროპის ულამაზესი ქალაქების სია, სადაც ტურისტები პრაქტიკულად არ არიან“ – წერს სი–ენ–ენი
შემდეგ კი მოდის ქალაქების სია, რომელშიც თბილისის გარდა ევროპის საკმაოდ ცნობილი ქალაქები შედიან:
ჰააგა(ჰოოლანდია), ტურინი (იტალია), ანტვერპენი (ბელგია), სარაევო (ბოსნია), პრისტინა (კოსოვო), ბერნი (შვეიცარია), ვროცლავი(პოლონეთი), ანკარა (თურქეთი)… სიაში მოხვდნენ ჩვენი მეზობელი სომხეთის დედაქალაქი ერევანი, ასევე კიდევ ერთი პოსტსაბჭოთა ქვეყნის დედაქალაქი – ბელორუსი.
გარდა ამისა, სიაში შედიან საფრანგეთის, ბულგარეთის, უნგრეთის, რუმინეთის, შოტლანდიის, შვედეთის, ნორვეგიის, დანიის, ინგლისის ნაკლებად ცნობილი პატარა ქალაქები. ყველა ქალაქს მცირე აღწერილობა ეთმობა.
თბილისის შესახებ სტატიაში ვკითხულობთ:
“საქართველოს დედაქალაქმა, რომელიც რეალურად აზიასა და ევროპას შოორის მდებარეობს, მისი სახელწოდება თბილი წყაროებისგან მიიღო, რომლებიც ზედაპირზე ბუშტების სახით ამოდიან. მისი გოგირდის აბანოები მაგნიტივით იზიდავს ვიზიტორებს, თუმცა ბევრად ნაკლებს, ვიდრე ცნობილ სპა კურორტებზე დადიან.
თბილისი ამაყობს მისი მულტი ეთნიკური ისტორიით – 13 საუკუნეში აშენებული ცნობილი მეტეხის ტაძარი ნარიყალას ციხესთან მდებარეობს, რომელიც სპარსელების ოკუპაციისას მეოთხე საუკუნეში აშენდა. “
