დედაქალაქის საკრებულო ხმაურიანი სხდომისთვის ემზადება. 15 მარტს რამდენჯერმე დაწუნებული და შეცვლილი თბილისის გენერალური გეგმა უნდა დაამტკიცონ. უკვე ცნობილია, რომ ოპოზიცია დოკუმენტის საბოლოო ვერსიას მხარს არ დაუჭერს. ოპოზიციაში თლიან, რომ ეს გენგეგმა არა თბილისის სამოქმედო გეგმა, არამედ კალაძის ბიზნესგეგმაა. ოპონენტების ამ განცხადებას თბილისის მერი პასუხობს. როგორც კალაზე ამბობს, დარწმუნებულია, რომ ამ კრიტიკის ავტორებიდან არც ერთს არ აქვს წაკითხული გენგეგმის დოკუმენტი. კახა კალაძე აცხადებს, რომ გენგეგმას ის ოპოზიციონერი დეპუტატები აკრიტიკებენ, რომლებიც წარსულში დოკუმენტის მიღებისკენ მერიას თავად მოუწოდებდნენ. მისი თქმით, გენერალური გეგმა დახვეწილია და თბილისის სწორ განვითარებას ემსახურება. მასში ასახული ხედვები კი განხორციელებადია.
