თბილისში, მთაწმინდის რაიონში, ამაღლების ქუჩაზე ხუთმა ნიღბიანმა ოჯახი დააყაჩაღა. შემთხვევა დღეს გამთენიისას მოხდა. ყაჩაღებმა გაიტაცეს დიდი ოდენობით თანხა – 20 000 ლარი, 60 000 ლარის ღირებულების ძვირფასეულობა და ავტომობილი. თვითმხილველების ინფორმაციით ოჯახის წევრები გათოკეს, ნაძარცვი კი ოჯახისვე კუთვნილი ავტომობილით წაიღეს. გატაცებული ავტომობილი უკვე ნაპოვნია. ყაჩაღები კი ჯერჯერობით არ დაუკავებიათ.
შსს–ს ინფორმაციით გამოძიება სსკ-ის 179-ე მუხლით მიმდინარეობს, რაც ყაჩაღობას გულისხმობს.
