თბილისში სავარაუდოდ СO-ს დაგროვების შედეგად, 2 ახალგაზრდა დაიღუპა. კომპანია ყაზტრანსგაზის ინფორმაციით ბინაში ტექნიკური ნორმების დარღვევით დამონტაჟებული იყო ღია წვის კამერიანი გამათბობელი, მთავარ მრიცხველზე კი თვითნებურად იყო შეერთებული რამდენიმე ქვემრიცხველი. შემთხვევა კნოლევის ქუჩაზე მოხდა. ბინა, რომელშიც ცხედრები იპოვეს, სავარაუდოდ, ნაქირავები იყო.
“ჩვენს მიერ ბინაში შემოწმდა გაზგაყვანილობა სამზარეულოში გაზის გაჟონვა არ აღინიშნა. სამზარეულოში დამონტაჟებული იყო სამ სანთურიანი გაზქურა ასევე შესასვლელში დამონტაჟებული იყო ნიკალას ტიპის გამათბობელი ტექნიკური ნორმების დარღვევით. ჩვენს მიერ აღნიშნულ ბინას შეუწყდა გაზის მიწოდება, ქვემრიცხველიდან რეზინის მილის ჩახსნის მეშვეობით და 15მმ-იანი ბურთულიანი ონკანის გადაკეტვით. ასევე აღნიშნული მისამართზე ნიკალას ტიპის გამათბობელი ჩაიხსნა გაზის რეზინის მილიდან. აღნიშნული მისამართზე მთავარ მრიცხველზე დაერთებულია ქვემრიცხველები, ასევე ეზოში ტექნიკური ნორმების დარღვევით დამონტაჟებულია სამი ცალი ღიაწვის კამერიანი წყალგამაცხელებელი. ჩვენს მიერ გადაიკეტა და დაილუქა ცენტრალურ მრიცხველი,” – ნათქვამია ყაზტრანსგაზ თბილისის განცხადებაში.
გამოძიება დაწყებულია უსაფრთხოების და ექსპლუატაციის წესის დარღვევის მუხლით, რამაც 2 ან მეტი ადამიანის სიცოცხლის მოსპობა გამოიწვია.
