საქართველოს ეროვნული გვარდიის ყოფილ მეთაურს მოსკოვში შეურაცხყოფა მიაყენეს და სავარაუდოდ ფიზიკურად გაუსწორდნენ. ვიდეო სოციალურ ქსელში აფხაზმა მომხმარებელმა ატვირთა. ვიდეოში ჩანს, რომ ის კიტოვანს დასცინის და ომის დროს სამხედრო დანაშაულის ჩადენაში სდებს ბრალს. როგორც მომხმარებელი ამტკიცებს, მოგვიანებით ის კიტოვანს ფიზიკურადაც გაუსწორდა, თუმცა ეს ვიდეოზე აღარ გადაუღია.
