თეთრი ღვინო წითელ პლანეტაზე? ამ სათაურით სტატიას ამერიკული გამოცემა The Washington Post აქვეყნებს და მარსზე ქართული ღვინის “მირთმევის“ შესაძლებლობას განიხილავს. ჟურნალისტი წერს, რომ ღვინის სამშობლოდ მიჩნეული საქართველო ცდილობს, გაარკვიოს რომელი სახეობის ღვინო “მოწრუპოს” ერთ დღეს მარსზე.
“ეს მიზნები ჩანს იმ პროექტის მიღმა, რომელიც ცდილობს, იპოვოს საუკეთესო ყურძნის ჯიში წითელი პლანეტისთვის. კვლევამ უნდა უპასუხოს შეკითხვებს მარსზე არსებული რადიაციის, მტვრისა და სიცოცხლისთვის საჭირო რესურსების შესახებ. ამის შემდეგ დაისმება შეკითხვა – ვის სურს ერთი ჭიქა ღვინით მიესალმოს ახალ წელს წითელ პლანეტაზე“, წერია სტატიაში, რომლის ავტორიც საქართველოში რამდენიმე რესპოდენტსაც ესაუბრა:
აღსანიშნავია, რომ მარსისთვის შესაბამისი ყურძნის ჯიშის შერჩევა 2016 წელს დაიწყო, როდესაც ელონ მასკმა განაცხადა, რომ მისი კომპანია “SpaceX”-ი 2024 წლისთვის ამ პლანეტაზე გამგზავრებას გეგმავს: ამ განცხადებამ შთააგონა ქართველები, შეერჩიათ საუკეთესო ყურძნის ჯიში წითელი პლანეტისთვის, თუმცა სხვა ქვეყნებიც ცდილობენ, შეარჩიონ საუკეთესო ყურძნის ჯიში, რომელიც მარსის კლიმატს შეეგუება”, წერს ამერიკული გამოცემა და აღნიშნავს, რომ უკვე წლის დასაწყისში პროექტზე მომუშავე ჯგუფი საქართველოდან იმედოვნებს, რომ საწყის ეტაპზე ქვეყნის პირველი ვერტიკალური მეურნეობის ლაბორატორია დედაქალაქში შეიქმნება.
