მაგისტრანტობის მსურველი ქეთევან სიხარულიძე ამბობს, რომ ერთიანი სამაგისტრო გამოცდებისთვის რეგისტრაცია გაიარა, თუმცა ის ერთიან სამაგისტრო გამოცდაში მონაწილეობას ვერ იღებს. მიზეზად სიხარულიძე განათლების სამინისტროს სისტემურ პრობლემაზე მიუთითებს. მაგისტრანტობის მსურველი დარეგისტრირებულთა ბაზაში ასახული არ არის.
“თქვენი უპასუხისმგებლო ქმედების გამო, ერთ წელს ვკარგავ და ვერ გავდივარ საერთო სამაგისტრო გამოცდაზე, მაშინ, როდესაც ამ ყველაფრის ორგანიზებისთვის საკმაოდ დიდ თანხას ითხოვთ აპლიკანტისგან და, რაც გევალებათ იმასაც ვერ ასრულებთ პირნათლად. შეცდომის აღიარებას და პასუხისმგებლობას გაურბიხართ და აქეთ მიყენებთ დაუსაბუთებელ ბრალდებებს თქვენივე სისტემური ხარვეზის გადასაფარად.მაშინ, როდესაც ჩავრიცხე თანხა, გავიარე რეგსიტრაცია, ავირჩიე გამოცდის ტიპი, ამის შემდეგ რამდნეჯერმე გადავამოწმე საკუთარი ბაზა. თქვენივე შეცდომის გამო ერთ წელს ვკარგავ, ვკარგავ ასევე თანხას, ვალდებულად არც თვლით თავს რომ ჩემ მიერ დაწერილი განცხადება (ფორმალურად დაწერილი ალბათ) დროულად განიხილოთ მაშინ, როცა 11 დღე დარჩა გამოცდამდე. იმის საშუალება მაინც მომეცით დროის თვალსაზრისით სასამართლოში დავიცვა ჩემი სიმართლე. აიღეთ პასუხისმგებლობა, თუ ამბობთ რომ აპლიკანტის ბრალია დაგვისაბუთეთ, ჰო ამბობთ რომ ყოველი ნაბიჯი აისახება სისტემაში, თქვენი მთავარი არგუმენტი არის რომ: ” რაღაცას დავაჭირე ხელი” ჰოდა ამოიღეთ ისტორია სისტემიდან და მაჩვენეთ ვითომ რას “დავაჭირე მე” 🙂 მით უფრო გქონდათ ასეთე შემთხვევები და დაეხმარეთ სხვა აპლიკანტებს ახლა რა ხდება ?! “-განაცხადა ქეთევან სიხარულიძემ.
მაგისტრანტობის მსურველის პრეტენზიას მალევე გამოეხმაურნენ შეფასებისა და გამოცდების ცენტრში, მათი თქმით, აპლიკანტმა რეგისტრაციის გავლისას შენახვის ღილაკს არ დააჭირა.
ქეთევან სიხარულიძე კატეგორიულად უარყოფს, რომ რეგისტრაცია მან თავისი დაუდევრობით ვერ გაიარა.
“ბაზაში რომ ვერ მპოულობდით ეგ ცხელ ხაზზეც მითხარით, თქვენი სისტემის ისტორიიდან უნდა წარმოგედგინათ თქვენი არ არსებული სიმართლის დოკუმენტები. ეს შაბლონური პასუხი რამეს ამბობს?! აქაც გაგეგრძელებინათ დემაგოგია რომ არანაირი სისტემური ხარვეზი არ ყოფილა. თუ შენახვას არ დავაჭირე ხელი რეგისტრაციის მერე ბაზაში როგორ ვიყავი რამდნეჯერმე შესული ?!”-აცხადებს სიხარულიძე.
