,,თუ გენპროკურორის შერჩევის პროცესი ფარსია, ბატონ შოთაძესთან რატომ მოდის კითხვების დასასმელად?”,- ამ კითხვით ეხმაურება ანრი ოხანაშვილი ოთარ კახიძის განცხადებას იმის შესახებ, რომ ის მხოლოდ ირაკლი შოთაძესთან გასაუბრებას დაესწრება, რადგან შერჩევის პროცედურა ფარსია.
ანრი ოხანაშვილის თქმით, საპროკურორო საბჭოში განსაზღვრულია კვოტა საპარლამენტო ოპოზიციის წარმომადგენლისთვის, ოთარ კახიძე არის საბჭოს წევრი, ამიტომ, შეუძლია დაესწროს ამ პროცესს და კითხვები დასვას.
,,თუ ისინი აპელირებენ, რომ მათ ანტერესებთ გახმაურებულ საქმეებთან დაკავშირებით შეკითხვები დასვან, მობრძანდნეს, პროცესში მონაწილეობა მიიღოს და დასვას. თუ ფარსია ეს პროცესი, ბატონ შოთაძესთან მიმართებით რატომ მოდის და რატომ სურს შეკითხვების დასმა?! თუ ეს პროცესი მისთვის ფარსია, მაშინ მისი ამ პროცესში მონაწილეობა საერთოდ აზრს უნდა იყოს მოკლებული. ამიტომ, საკუთარ თავთან მოდინ წინააღმდეგობაში, რადგან, ერთი მხრივ, ამბობენ, რომ ეს პროცესი დადგმულია. თუ ეს პროცესი დადგმულია, რატომ აცხადებს, რომ უნდა მოვიდეს და დასვას კითხვები საპროკურორო საბჭოში მხოლოდ ერთ კანდიდატთან?! ეს მიუთითებს მათ პოლიტიკურ დაინტერესებაზე”,- აცხადებს ოხანაშვილი.
ცნობისთვის, გენრპროკურორობის კანდიდატებთან ინდივიდუალური გასაუბრებები დღეს დაიწყო. ოთარ კახიძემ ამ პროცესს ფარსი უწოდა და განაცხადა, რომ გადაწყვეტილებას სინამდვილეში ბიძინა ივანიშვილი იღებს.
