“თუ გჭირდება აიღე – თუ ზედმეტი გაქვს დატოვე“ – დუბლინელების აქცია უსახლკარო ადამიანებისთვის

დუბლინელებმა უსახლკაროების დასახმარებლად ყველაზე თბილი აქცია დაიწყეს. ქალაქის ცენტრში გამოჩნდა წარწერა „თუკი გჭირდება აიღე – თუ ზედმეტი გაქვს დატოვე“.

აქციას ათობით ადამიანი შეუერთდა და დუბლინის ხიდზე ათობით სხვადასხვა ზომის ქურთუკი დაკიდეს. იქვე დაიდგა დიდი ზომის ყუთი, რომელიც თბილი ქუდებით, ხელთათმანებითა და შარფებითაა სავსე.

ინიციატივის ავტორი Facebook გვერდი – „თბილი ზამთარი“ გახდა და მათი მიზანი უსახლკაროების დახმარებაა.

ტანსაცმელი არამხოლოდ დუბლინში, არამედ ირლანდიის სხვა დიდ ქალაქებშიც დაიკიდება და წამოწყებას სულ უფრო და უფრო მეტი ადამიანი შეუერთდება.