თურქეთის სანაპიროსთან მიგრანტების ნავი ჩაიძირა
უბედური შემთხვევა ქვეყნის ჩრდილოეთით, აია-ვაჯიკის სანაპიროზე, მოხდა. შედეგად 4 მიგრანტი დაიღუპა, მათ შორის, ერთი მცირეწლოვანი ბავშვია. ბორტზე დარჩენილი 11 მიგრანტი მაშველებმა გადაარჩინეს.
გავრცელებული ცნობით, რეზინის ნავში, ძირითადად, ავღანელი და ირანელი მიგრანტები ისხდნენ, რომლებიც ევროპის ტერიტორიაზე მოხვედრას თურქეთის გავლით ცდილობდნენ.
