თურქული მედიის ინფორმაციით სტამბოლში რუსულ მაფიასთან კავშირში მყოფი ორგანიზებულ დამნაშავეთა ჯგუფი დააკავეს, მათ შორის 4 საქართველოს მოქალაქეა.
თურქეთის ორგანიზებულ დანაშაულთან ბრძოლის დეპარტამენტის თანამშრომლებმა, თვალთვალის შემდეგ ჩატარებული ოპერაციის შედეგად 16 ადამიანი დააკავეს, რომელთა შორის რუსეთის 1, უკრაინის 3, საქართველოს 4 და აზერბაიჯანის 8 მოქალაქეა. ჩხრეკის შედეგად 11 ცეცხლსასროლი იარაღი 222 ტყვია ამოიღეს.
