დონალდ ტრამპმა თურქეთს სანქციები მოუხსნა. ამის შესახებ განცხადება თავად ტრამპმა თეთრ სახლში გამართულ პრესკონფერენციაზე გააკეთა.
ტრამპმა ამერიკის მნიშვნელოვან როლსაც გაუსვა ხაზი და აღნიშნა, რომ სირიაში სამხედრო ოპერაციის შეჩერებაში უდიდესი როლი ამერიკა- თურქეთის მოლაპარაკებამ იქონია და არა სხვა რომელიმე ქვეყანამ.
აშშ-მა თურქეთის თავდაცვის, ენერგეტიკისა და შინაგან საქმეთა სამინისტროების წინააღმდეგ სანქციების შემოღების შესახებ 15 ოქტომბერს განაცხადა.
„ფინანსთა მინისტრს დავავალე მოხსნას ყველა სანქცია, რომელიც 14 ოქტომბრიდან დაუწესდა თურქეთს ქურთების წინააღმდეგ შეტევითი ქმედებების გამო. ამგვარად, სანქციები გაუქმდება, თუ არ მოხდება რაიმე ისეთი, რაც ჩვენ არ გვაწყობს“, – განაცხადა ტრამპმა.
