მასაჩუსეტსის შტატის დემოკრატი სენატორის, ელიზაბეტ უორენის აზრით აშშ–ს პრეზიდენტო 2020 წლამდე შესაძლოა ციხეში აღმოჩნდეს. ელიზაბეტ უორენი საპრეზიდენტო მარათონში მონაწილეობს. “2020 წელს დონალდ ტრამპი შესაძლოა პრეზიდენტი აღარც იყოს. სინამდვილეში შესაძლოა თავისუფლებაზეც აღარ იყოს… თუმცა დონალდ ტრამპი არ არის ჩვენი ერთადერთი პრობლემა“ – განაცხადა სენატორმა აიოვაში გამართულ მიტინგზე.
პოლიტიკოსის აზრით ტრამპი შესაძლოა ციხეში მისი ტვიტების გამო აღმოჩნდეს, რომლებიც სავსეა რასისტული და სიძულვილით აღსავსე გამონათქვამებით.
ასეთი განცხადებით უორენმა ტვიტერში ტრამპის პოსტს უპასუხა, რომელიც არაპირდაპირ ინდიელების დაცინვას შეიცავდა. “დღეს ელიზაბეტ უორენი, რომელსაც ხანდახან პოკაჰონტას ვეძახი, საპრეზიდენტო მარათონს შეუერთდა. იყრის თუ არა ის კენჭს, როგორც ძირძველი ამერიკელების პირველი კანდიდატი თუ გადაწყვეტს, რომ 32 წლის შემდეგ ეს უკვე აღარ არის კარგი? შევხვდებით კამპანიის დროს. “– დაწერა ტრამპმა ტვიტერზე.
დონალდ ტრამპი რამდენიმე წელია დასცინის უორენის განცხადებებს მისი წარმოშობის შესახებ. სენატორი დიდი ხანია ამბობს, რომ მის ძარღვებში ინდიელების სისხლი ჩქეფს. სწორედ ამის გამო ეძახის მას ტრამპი პოკაჰონტას. ეს არის ინდიელების პრინცესას სახელი , რომელიც ამავე სახელწოდების მულტფილმის მთავარი გმირია. თუმცა 2018 წელს სენატორმა დნმ ტესტი ჩაიტარა და დაამტკიცა, რომ მისი წინაპრები მართლაც ძირძველი ამერიკელები, ანუ ინდიელები იყვნენ და ის 1/32 –ით ინდიელია.
