თბილისში, სამტრედიის ქუჩაზე საცხოვრებელ სახლში გარდაცვლილი ქალის ცხედარი იპოვეს. შემთხვევა ცოტა ხნის წინ მოხდა. კორპუსის მცხოვრებლებმა მძაფრი უსიამოვნო სუნი იგრძნეს, შემდეგ კი 112-ში დარეკეს, რის საფუძველზეც საგანგებო სიტუაციების მართვის სამსახურის თანამშრომლებმა პოლიციის თანხმობით, საცხოვრებელი სახლის კარი გააღეს.
ბინაში შესვლის შემდეგ სამაშველო სამსახურებს ერთი ხანში შესული ქალბატონი გარდაცვლილი, ხოლო კიდევ ერთი პირი უგონო მდგომარეობაში დახვდათ. ბინაში იმყოფება კიდევ ორი ქალბატონი. სამივე მათგანი საავადმყოფოში გადაიყვანეს.
შსს-ს ინფორმაციით, გამოძიება სისხლის სამართლის კოდექსის 115-ე – თვითმკვლელობამდე მიყვანის მუხლით დაიწყო.
