ჯერჯერობით დაუდასტურებელი ინფორმაციით იუსტიციის მინისტრის პოსტზე თეა წულუკიანის წასვლის შემდეგ შესაძლოა კახა კახიშვილი დაინიშნოს. კულუარული ინფორმაცია ამის შესახებ ბოლო დღეებში ვრცელდება, თუმცა მას ჯერჯერობით არავინ ადასტურებს. კახა კახიშვილი 2015 წლის აგვისტოდან 2018 წლის 15 ივლისამდე სასჯელაღსრულებისა და პრობაციის მინისტრი იყო. ამჟამად კი მთავრობის ადმინისტრაციის უფროსის პოსტს იკავებს.
