“ვფიქრობ, კარავს ადგილმდებარეობა შევუცვალო“,-ამის შესახებ მალხაზ მაჩალიკაშვილი სოციალურ ქსელში წერს. ის ამბობს, რომ პარლამენტის წინ მხოლოდ ბანერი დარჩება დროებითი საპარლამენტო კომისიის მოთხოვნით.
“რამდენად უსუსური ხარ “ქართული ოცნება”. იმაზეც კი წახვედი, ბავშვთა ბაღის ანგელოზებიც კი გამოიყენეთ მაჩალიკაშვილის წინააღმდეგ, რომ რამენაირად გადარჩეთ, როგორ იძირები დღე და დღე, თან ისე, ხვდებით და არ გინდა მიხვდეთ. იძულებული გავხდი პირველად, ამ 700 დღე-ღამის განმავლობაში, ამ შემთხვევით მესარგებლა, ცოტათი დავისვენო, ძალა მოვიკრიბო. ბანერი წარწერით, იმისი მოთხოვნით, რომ უნდა შეიქმნას დროებითი კომისია პარლამენტში დაიდგმევა პარლამენტის წინ, ეს ცხადია, იმიტომ რომ შესაფერისი ადგილი ის არის. რაც შეეხება კარავს, ვფიქრობ ადგილმდებარეობა შევუცვალო. კარავთან დაკავშირებით უფრო ფართო გეგმა მაქვს”, – წერს მაჩალიკაშვილი სოციალურ ქსელში.
შეგახსენებთ, რომ მერიის დასუფთავების სამსახურმა პარლამენტის წინ საპროტესტო კარვები 30 დეკემბერს ღამით დაშალა და მათ ნაცვლად საბავშვო ატრაქციონები დაამონტაჟა.
