2 დღის წინ ზესტაფონში ტრაგედია დატრიალდა. დედა და ორი მცირეწლოვანი შვილი ბინაში გარდაცვლილი იპოვეს. გარდაცვალების მიზეზს მეზობლები ბუნებრივი აირის გაჟონვას უკავშირებდნენ.
“სოკარ ჯორჯიას” წარმომადგენლების ინფორმაციით, დედა და ორი მცირეწლოვანი ბავშვის გარდაცვალების მიზეზი, წყლის გამათბობელი გახდა.
“სოკარ ჯორჯიას” ინფორმაციით, კომპანიის მხრიდან განხორციელებული გეგმიური შემოწმების დროს, კომპანიის წარმომადგენლები ბინაში აპრილში მივიდნენ, თუმცა დაკეტილი დახვდათ, რის გამოც, გაზის მილის ჩაჭრა გარედან მოხდა.
თუმცა, მას შემდეგ, რაც ოჯახი ბინაში საცხოვრებლად გადავიდა, წყლის გამათბობელზე გაზის მილის დაერთება კუსტარულად განხორციელდა. სავარაუდოდ, ბინაში ნამწვი დაგროვდა, რამაც 3 ადამიანის გარდაცვალება გამოიწვია.
გარდაცვლილი 25 წლის მირანდა სხილაძე ზესტაფონის მუნიციპალიტეტის სოფელ ილემიდან იყო.შვილების ასაკი კი – 2 და 4 წელი იყო. მეზობლების ინფორმაციით, გოგონა შვილებთან ერთად ბინაში ქირით ცხოვრობდა და ახალი გადმოსული იყო.
“მშობლები მთელი დრის მანძილზე ურეკავდნენ, როდესაც ტელეფონი არ აიღო ბინაში ნათესავი შევიდა და გარდაცვლილები აღმოჩნდნენ”-აცხადებს ოჯახის ახლობელი.
