“ვითომ ვირუსისგან იცავს ქვეყანას” – ნიკა გვარამია ამირან გამყრელიძეს აკრიტიკებს

ტელეკომპანია “მთავარის” გენერალური დირექტორი ნიკა გვარამია ამირან გამყრელიძესა და ნიკოლოზ გამყრელიძეს სოციალურ ქსელში აკრიტიკებს. 

“ამირან გამყრელიძე – კაცი, რომელიც ვითომ იმაზე მუშაობს, რომ ქვეყანა ვირუსისგან დაიცვას და საკუთარ შვილს ვერ აუხსნა, როგორ მოიქცეს, რომ ვირუსი არ შეეყაროს”, – ეს იქნებოდა დღევანდელი ამერიკული ბეჭდური პრესის და ელექტრონული მედიის მთავარი ჰედლაინი, ამერიკაში რომ გამყრელიძისნაირები ხვდებოდნენ ლამის სიაიეის დონის ქვეყნის უსაფრთხოებისთვის მნიშვნელოვანი დაწესებულებიდ, CDCის (დაავადებათა კონტროლის ცენტრი) ხელმძღვანელობაში. ეს, რაც შეეხება ჰედლაინებს. და ისე მისი ბუნდღა აღარ იქნებოდა უკვე დატოვებული.”- წერს ნიკა გვარამია სოციალურ ქსელში. 

შეგახსენებტ, რომ კორონავირუსის მე10-ე შემთხვევა ამირან გამყრელიძის შვილს ნიკოლოზ გამყრელიძეს დაუდასტურდა. დაავადებათა კონტროლისა და საზოგადოებრივი ჯანმრთელობის ეროვნული ცენტრის ხელმძღვანელი ამირან გამყრელიძე ადასტურებს ინფორმაციას, რომ მის შვილს, სამედიცინო კორპორაცია “ევექსი”-ს სამეთვალყურეო საბჭოს თავმჯდომარე ნიკოლოზ გამყრელიძეს კორონავირუსი დაუდასტურდა. ამირან გამყრელიძის თქმით, მის შვილს კონტაქტი ჰქონდა იტალიიდან ჩამოსულ ჯგუფთან. საქართველოში ამ ეტაპზე კორონავირუსის 12 შემთხვევაა დაფიქსირებული.