“ვიწყებთ ახალ ცხოვრებას ახალ ქვეყანაში”-საუდის არაბეთიდან გამოქცეული დები საქართველოს ქართული პასპორტებით ტოვებენ.ამის შესახებ საუდელმა დებმა მაჰამ და ვაფა ალ-სუბაიებმა ტვიტერის გვერდზე დაწერეს.
თბილისში გამოქცეულმა დებმა თავშესაფარი მიიღეს და საქართველოდან მიემგზავრებიან.
“სიხარულით გაცნობებთ, რომ საქართველოს ვტოვებთ.ვიწყებთ ახალ ცხოვრებას ახალ ქვეყანაში. მადლობას ვუხდით ყველას მხარდაჭერისთვის”, – წერენ დები.
საუდელი დები უსაფრთხოებიდან გამომდინარე, არ აკონკრეტებენ, თუ სად მიემგზავრებიან.
საუდის არაბეთიდან გამოქცეული დების პოსტი პირველად ტვიტერის გვერდზე 16 აპრილს გამოჩნდა.ისინი გაეროს ლტოლვილთა უმაღლეს კომისარიატს დახმარებას სთხოვდნენ და საქართველოდან სხვა ქვეყანაში გამგზავრებას ითხოვდნენ.
