ასპინძაში 30 წლის მამაკაცი ყირიმ კონგოს ჰემორაგიული ცხელების დიაგნოზით გარდაიცვალა. გ.ნ-ს დაავადების გადამტანმა საქონლის ტკიპამ უკბინა.
შემთხვევა გუშინ მოხდა. ადგილობრივების განცხადებით, გ.ნ. საქონელს მწყემსავდა და უვლიდა, ტკიპამაც სწორედ საქონელთან უშუალო კონტაქტის დროს უკბინა. პაციენტი ახალციხის კლინიკაში მკურნალობდა.
არსებული ინფორმაციით, ასპინძაში გასულ წელს ყირიმ კონგოს ოთხი შემთხვევა დაფიქსირდა, ოთხივე შემთხვევაში პაციენტი გამოჯანმრთელდა.
