ევროპული საქართველოს დეპუტატი, ელენე ხოშტარია, ამბობს, რომ ოპოზიცია მმართველ გუნდს ყოველთვის შეუქმნის დისკომფორტს. დეპუტატმა ეს კომენტარი, პარლამენტში არჩილ თალაკვაძის ყოველწლიური მოხსენების დროს საბჭოთა კავშირის ჰიმნის ჩართვის შემდეგ გააკეთა.
“ერთადერთი რისი სიმბოლოც ეს ყველაფერი არის საბჭოთა ჰიმნი და საბჭოთა კავშირი. ეს არის ხელოვნური რეალობა, რომელიც უნდათ, რომ შექმნან. რეალობა ქვეყანაში არის სხვა, ადამიანები აპროტესტებენ, ადამიანები ითხოვენ თავისუფალ მართლმსაჯულებას, არჩევნების თავისუფლებას, რომ ხალხი წყვეტდეს ვინ იქნება ამ დარბაზში და არა ბიძინა ივანიშვილი. ყველა შემთხვევაში, როდესაც ეგონებათ, რომ კომფორტულად ჩაიკეტებიან დარბაზში და ხელოვნური, გულისამრევი, არაფრისმთქმელი გამოსვლებით შეიქმნიან კომფორტს, ყოველთვის ექნებათ ეს დისკომფორტი”, – თქვა ელენე ხოშტარიამ.
შეგახსენებთ, რომ რამდენიმე წუთის წინ პარლამენტში, სადაც თავმჯდომარე არჩილ თალაკვაძე ყოველწლიურ მოხსენებას წარადგენს ოპოზიციამ საბჭოთა კავშირის ჰიმნი ჩართო.
ოპოზიციამ არჩილ თალაკვაძეს მოხსენებისას საბჭოთა კავშირის ჰიმნი ჩაურთო (ვიდეო)
