ბარათაშვილის აღმართზე, ავლაბარში ყვითელი ავტობუსი სავალი ნაწილიდან გადავიდა და ხეს დაეჯახა.
მომხდარის შედეგად შუახნის ქალი გარდაიცვალა, მძღოლი კი მსუბუქად დაშავდა.
შინაგან საქმეთა სამინისტროს ცნობით, საქმეზე გამოძიება 276-ე მუხლით მიმდინარეობს, რაც გულისხმობს ტრანსპორტის მოძრაობის უსაფრთხოების ან ექსპლუატაციის წესის დარღვევას, რომელმაც ადამიანის სიცოცხლის მოსპობა გამოიწვია.
