„ციანიდის საქმის“ მთავარმა მოწმემ ირაკლი მამალაძემ „TV პირველის“ ეთერში განაცხადა, რომ ეს საქმე თავიდან ბოლომდე იყო ბრძოლა საპატრიარქოს ტახტისთვის.
მამალაძე ასახელებს სამ მეუფეს: მეუფე დიმიტრის, მეუფე გრიგოლს, მეუფე პეტრეს, რომლებიც პატრიარქის ტახტისთვის იბრძოდნენ, მისივე თქმით, ზოგიერთ მღვდელთმთავრებს დღემდე ესიზმრებათ ინტრონიზაცია.
„ციანიდის საქმე“ რა თქმა უნდა იყო ბრძოლა პატრიარქობისთვის, რა თქმა უნდა იყო ბრძოლა საპატრიარქოს ტახტისთვის. დღესაც არსებობენ მღვმდელმთავრები რომლებსაც მართლა ყოველ დღე ესიზმრებათ ინტრონიზაცია და როდის გახდებიან პატრიარქი. ამას საზოგადოებაც ხედავ, რომ მიდის გავეშებული ბრძოლა ძალაუფლებისთვის. ეს არა ერთხელ დადასტურებულა. თავიდანვე ცნობილი იყო სამი ადამიანი. ეს მეუფე დიმიტრი, მეუფე გრიგოლი, მეუფე პეტრე. მათ ერთმანეთისთვის ხელი არ უნდა შეეშალათ, მაგრამ რომელიც გამოირჩეოდა მხარი უნდა დაეჭირათ ერთმანეთისთვის. მეუფე დიმიტრის ჰქონდა ერთი „ნაკლი“ ის იყო შიოლაშვილი, ამას საზოგადოებაში შესაძლოა მოჰყოლოდა უკმაყოფილება, რომ პატრიარქობა მემკვიდრეობით არ გადაიცემა. მეუფე გრიგოლი იყო ნასამართლევი და მას ეს ნაკლი აქვს. ერთადერთი მეუფე პეტრე იყო სუფთა და დავარცხნილი. არ გამოვრიცხავ რომ მეუფე იაკობსაც ჰქონდა რაღაც მოლოდინები“, – აცხადებს ირაკლი მამალაძე.
