ექსპერტი გია ხუხაშვილი ზუგდიდის მერის არჩევნებში ქართული ოცნების წაგებას ხელისუფლებისთვის საბედისწეროდ თვლის. მისი განცხადებით სანდრა რულოვსის გამარჯვებით ქართული ოცნება მთავარ ინსტრუმენტს–ნაციონალურ მოძრაობასთან უპირატესობას კარგავს, რითაც ამდენ ხანს ძალაუფლებას ინარჩუნებდა:
“ნებისმიერი რჩევნები ხელისუფლებისთვის არის სამკვდრო სასიცოცხლო ბრძოლა, მაგრამ ზუგდიდი განსაკუთრებით მნიშვნელოვანია, იმიტომ რომ პირდაპირი სიმბოლოკაა ზუგდიდში ჩადებული. ზუგდიდში არჩევნების წაგება რას ნიშნავს? მითუმეტეს სანდრა რულოვსის მოგება. ნიშნავს იმას, რომ მოხდება მიშა სააკაშვილის რეაბილიტაცია ქართულ პოლიტიკაში. ამის ტოლფასია. რეალობა ასეთია, რომ რულოვსი უდრის მიშას და რულოვსის გამარჯვება ნიშნავს მიშას რეაბილიტაციას ქართულ პოლიტიკაში, ანუ იმ კრიტიკულ წერტილს, სადაც ქართულმა ოცნებამ დაკარგა ყოველგვარი მორალური უპირატესობა ნაციონალურ მოძრაობაზე. ეს არის მარტივი დიაგნოზი.
ამ წერტილთან ქართული ოცნება დიდი ხანია მიახლოებულია და ანტიმიშას რესურსი ფაქტობრივად საპრეზიდენტო არჩევნების მეორე ტურზე ამოწურა. ის მასობრვი ფსიქოზი, რაც ამ თემას ახლდა, სისხლიანი ცხრა წელის თემას, მეორე ტურის წინ ისტერიკაში გადაიყვანეს. ახლა ანტიმიშას ტესტირება ხდება. ანუ მიშას რეაბილიტაცია ხდება. რეალურად გაფორმება არჩევნების წაგების, დე ფატო შეიძენს იმ მნიშვნელობას, რომ ანტიმიშას ნარატივი დასრულდა.
ქართული ოცნება სისტემურად ისედაც დასრულებულია უკვე, უბრალოდ ეს გასაფორმებელია, მაგრამ ამას მე ვხვდები და შეიძლება კიდევ რაღაც რაოდენობა ადამიანების. ასეთი ადამიანების წრე გაფართოვდება ზუგდიდიში ისეთი არჩევნების წაგებით, სადაც მთავარი ინსტრუმენტი იკარგება. ქართული ოცნება ხელისუფლებას ხომ არ ინარჩუნებს იმიტომ, რომ ვიღაცას მოსწონს. დღემდე ინარჩუნებდა არა იმით, რომ ვინმეს მოსწონს, არამედ იმით, რომ ცუდსა და უარესს შორის არჩევანში ვიღაცას უკეთესად მიაჩნია. ჩვენ ხომ ცუდსა და უარესს შორის ვირჩევთ და ხალხის რაღაც რაოდენობას მიაჩნია, რომ ნაციონალურ მოძრაობაზე ცოტა უკეთესი მაინც არის ქართული ოცნება, მიუხედავად იმისა, რომ არაფრად არ ვარგა ისიც. ეს მთავრდება, ანუ ის კრიტიკული მასა ილახება. მთავარი, ანტიმიშას ინსტრუმენტი ქართულ ოცნებას ეცლება და 2020 წლისთვის აღარ რჩება ის მთავარი ტექნოლოგიური იარაღი, რითაც თეორიულად შეიძლება წარმატებას მიაღწიოს. “– ამბობს გია ხუხაშვილი
