,,ევროპული საქართველოს” ლიდერის, დავით ბაქრაძის განცხადებით, სალომე ზურაბიშვილს მოლაპარაკებების ხელშეწყობა თუ სურს, აქვს ინსტრუმენტი, რომ გიგი უგულავა შეიწყალოს.
,,თუ ქალბატონ ზურაბიშვილს სურს დიალოგის ხელშეწყობა, მას ამისთვის გააჩნია კონკრეტული ინსტრუმენტი. ეს არის უსამართლოდ, პოლიტიკური ნიშნით დაპატიმრებული გიგი უგულავას შეწყალება, რითაც ის თავიდან აგვაცილებს იმ უმძიმეს დარტყმას, რომელიც ხელისუფლებამ მიაყენა საქართველოს ინტერესებსაც და დიალოგის პროცესსაც. თუ ის ამას არ აკეთებს და ამისთვის მზად არ არის, მაშინ, თავი დაანებოს პოლიტიკურ კეკლუცობას, ფარისევლობას და მოწოდებებს. ან ჩაერთოს სრულფასოვნად პროცესში როგორც პრეზიდენტი და გამოიყენოს მის ხელთ არსებული ინსტრუმენტები პროცესის ხელშესაწყობად ან დაანებოს თავი კეკლუცობას და ბოლომდე მიხედოს ანტიკვარულ ირანულ მამლებს”,- განაცხადა ბაქრაძემ.
სალომე ზურაბიშვილმა განაცხადა, რომ დიალოგის შუამავალ ელჩებთან განიხილავს, როგორ ჩაერთოს ოპოზიციასა და ხელისუფლებას შორის დიალოგის განახლებაში.
