დააკავებენ თუ არა სამართალდამცველთა რეფორმირების ცენტრის ხელმძღვანელს. ზვიად კუპრავას გამოძიება ადვოკატ ირაკლი ზაქარეიშვილის ცემას ედავება, თუმცა ის პოლიციის სამმართველოში მისვლას არ აპირებს. ამბობს, რომ საგამოძიებო უწყების ბრალდება აბსურდულია, რადგან ზაქარეიშვილთან რაიმე სახის ინციდენტს ადგილი არ ჰქონია. კუპრავა ფიქრობს, რომ ირაკლი ზაქარეიშვილი, რომელმაც საჩივარი შეიტანა მის წინააღმდეგ, სახელმწიფო უსაფრთხოების სამსახურის დავალებებს ასრულებს და მის წინააღმდეგ არა სამართლებრივი, არამედ პოლიტიკური ანგარიშსწორების ბრძოლა მიმდინარეობს.
შსს-ს ცნობით კი, “სამართალდამცავთა რეფორმირების ცენტრის” დამფუძნებელს, ზვიად კუპრავას ბრალი დაუსწრებლად წარედგინება და ეს სავარაუდოდ, დღის ბოლომდე მოხდება.
საგამოძიებო უწყებაში კუპრავა 12:00 საათზე უნდა გამოცხადებულიყო, თუმცა, განაცხადა, რომ ეს საქმე პოლიტიკური პროცესია და პოლიციაში არ მივა. ზვიად კუპრავა არ გამორიცხავს, რომ შესაძლოა, დღეს დააკავონ.
