მთიან ყარაბაღთან დაკავშირებით მოსკოვში გამართულ სამმხრივ მოლაპარაკებებეზე რუსეთის პრეზიდენტი გამოვიდა მოწოდებით, განისაზღვროს შემდგომი ნაბიჯები, რომლებიც რუსეთის სამშვიდობო კონტიგენტის მოღვაწეობასთან არის დაკავშირებული, დაზუსტდეს სადემარკაციო ხაზები, გადაწყდეს ჰუმანიტარული პრობლემები და კულტურული მემკვიდრეობის ობიექტების დაცვის საკითხები.
აზერბაიჯანის და სომხეთის ლიდერები, იჰამ ალიევი და ნიკოლ ფაშინიანი ერთმანეთს გასული წლის თებერვლის შემდეგ პირადად პირველად შეხვდნენ.
რუსეთის პრეზიდენტმა, ვლადიმერ პუტინმა განაცხადა, რომ რეგიონში სიტუაცია მშვიდია:
“ბევრი რამ კეთდება ჩვენი მხრიდან ლტოლვილთა და იძულებით გადაადგილებულ პირთა დასაბრუნებლად. 14 ნოემბრის შემდეგ ყარაბაღში უკვე დაბრუნდა 48 ათას ადამიანზე მეტი. რუსეთის შუამავლობით მოხდა ტყვეების და გარდაცვლილთა ცხედრების გაცვლა“– თქვა პუტინმა.
ის ხაზს უსვამს, რომ მთიან ყარაბაღთან დაკავშირებული შეთანხმებების რეალიზება თანდათანობით ხდება და ეს კონფლიქტის სამართლიან საფუძველზე დარეგულირების წინაპირობას ქმნის. პუტინის თქმით, რუსეთი განაგრძობს პარნიორებთან და მინსკის ჯგუფის თამჯდომარესთან საკუთარი ქმედებების შეთანხმებას.
სომხეთის პრემიერმა, ნიკოლ ფაშინიანმა განაცხადა, რომ სამხედრო ტყვეების გაცვლის საკითხი ბოლომდე გადაწყვეტილი არ არის, თუმცა მხარეებმა მოილაპარაკეს, რომ ამ საკითხზე მუშაობას განაგრძობენ. ფაშინიანი ასევე ამბობს, რომ ჯერ კიდევ არ არის დარეგულირებული მთიანი ყარაბაღის სტატუსის საკითხი.
აზერბაიჯანის პრეზიდენტმა სამმხრივ შეხვედრას სასარგებლო და ნაყოფიერი უწოდა. ალიევი აცხადებს, რომ რუსეთის სამშვიდობო მისია თავის საქმეს ეფექტურად აკეთებს, ასევე გამოთქვა იმედი, რომ მეზობელი ქვეყნები აქტიურ მონაწილეობას მიიღებენ სამხრეთ კავკასიაში სატრანსპორტო ინფრასტრუქტურის შექმნაში.
სომხური და აზერბაიჯანული მხარეების თხოვნით მთიან ყარაბაღში გამყოფ ხაზზე კონტროლისთვის ლაჩინის კორიდორის გასწვრივ რუსული სამშვიდობო კონტიგენტი განთავსდა.