ახალი ამბები
“ივანიშვილის საყვარელი ფრაზა იყო– Ниже травы, тише воды“ – თინა ხიდაშელი
“ივანიშვილის საყვარელი ფრაზა იყო– Ниже травы, тише воды“ – თინა ხიდაშელი

ანაკლიის პორტის თემაზე, ხელისუფლების გადაწყვეტილებებზე, დეკლარირებულ და რეალურ პოლიტიკაზე ტვ პირველის ეთერში საუბრისას თინა ხიდაშელმა მისი მინისტრობის პერიოდი და საგარეო ურთიერთობებში ივანიშვილის საყვარელი რუსული ფრაზა გაიხსენა: “Ниже травы, тише воды“ , რომელსაც როგორც ხიდაშელი ამბობს მას სხვადასხვა ვიზიტებისას ხშირად ეუბნებოდა. ხიდაშელი ამბობს, რომ ხელისუფლების დეკლარირებული პროდასავლური კურსის მიღმა არის ქმედებები და ხშირად უმოქმედობა, რაც ამ კურსს საფრთხის ქვეშ აყენებს. მაგალითად მან ვარშავის სამიტი მოიყვანა.

“არ არსებობს პრაქტიკულად ივანიშვილის არცერთი საჯარო გამოსვლა, რომელშიც მას არ ეთქვას რომ საქართველო აუცილებლად უნდა შევიდეს ნატოში.და ყველაფერი უნდა გავაკეთოთ იმისთვის, რომ საქართველო რაც შეიძლება სწრაფად ნატოს წევრი გახდეს. მან იცის როგორ უნდა ილაპარაკოს. ის არ არის პოლიტიკური თვითმკვლელი. ის არ გააკეთებს საჯარო მოქმედებას ერთმნიშვნელოვანს ისეთს, თავისი განცხადებით განსაკუთრებით, რომელიც პოლიტიკური თვითმკვლელობის ტოლფასი იქნება მისთვის.

ეს ხელისუფლება დიდოსტატია იმაში, როგორ უნდა გააჩროს კარგი ამბები და როგორ უნდა შეუშალოს ხელი კარგი ამბების რეალიზებას. გააჭიანუროს ისე, რომ უკვე ამ გაჭიანურების გამო შეუძლებელი გახდეს შედეგის დადგომა. შავის ზღვის პროექტი არის ამის კლასიკური მაგალითი. შემიძლია სრული პასუხისმგებლობით გითხრათ – ის, რომ დღეს ჩვენ ვერ მოვახერხეთ ვიყოთ შავ ზღვაზე სრულფასოვანი პარტნიორი, განსაკუთრებით ნატოსთვის ამ სტრატეგიული პროექტებში არის თავიდან ბოლომდე ხელისუფლების ბრალი. ვარშავის სამიტის წინ ყველაფერი გავაკეთეთ მაშინ ვინც ვიყავით მთავრობაში, მათ შორის გიორგი კვირიკაშვილმა , რა თქმა უნდა. ვარშავის სამიტზე ჩვენი ამოცანა იყო: ყველა პარაგრაფში, სადაც შავი ზღვა გაჩნდებოდა, ყველა პარაგრაფში საქართველო უნდა ჩაწერილიყო. ამას ჩვენ მივაღწიეთ. ამის შემდეგ დეკემბერში მინისტერიალი იმართებოდა, სადაც გეგმა უნდა დაემტკიცებინათ, როგორ ხორციელდებოდა შავი ზღვის პროექტი და თავდაცვის მინისტრი არ წავიდა მინისტერიალზე. და როდესაც კითხვა დაუსვეს რატომ არ იმყოფებოდა მინისტერიალზე, სადაც საქართველოს ბედი წყდებოდა მან თქვა,ფული დავზოგეო. ჩემი წინა მინისტრი ბევრს დადიოდაო და მე ფული დავზოგეო.

ვარშავის სამიტის კომუნიკეში ხუთ პარაგრაფში 8 ჯერ არის ნახსენები შავი ზღვა და ეს არის პირველი კომუნიკე, სადაც რუსეთი არის მტრად მოხსენიებული ; მოხდა გეოპოლიტიკური გარდატეხა.

ეს ამბავი საერთოდ გააჩერეს , საქართველოს მოძრაობა ამ მიმართულებით, და მერე უკვე 2017 წელს სამიტზე რომ არ წავიდნენ თქვეს, რომ თურმე საქართველოს საკითხი არ იხილებოდა.

მთავარი ამოცანა არის ის, რაც მუდმივად გვესმის , და რაც ივანიშვილის საყვარელი ფრაზაა. ბატონი ივანიშვილის საყვარელი ფრაზა იყო– Ниже травы, тише воды“ სულ მეუბნებოდა, ყოველი ჩემი ვაშინგტონში ვიზიტის შემდეგ რომ ჩამოვიდოდი დამირეკავდა და მეუბნებოდა ამ ფრაზას. ეს იყო მისი გამოხატულება იმისი, როგორ უნდა მოვიქცეთ ჩვენ. “–განაცხადა თინა ხიდაშელმა.
23:55 / 31.05.2019
ბოლო სიახლეები
Facebook
პოპულარული
რეკლამა