საქართველოში კორონავირუსის კიდევ ერთი, მე-13 შემთხვევა დადასტურდა.
ამის შესახებ ინფექციური საავადმყოფოს დირექტორმა თენგიზ ცერცვაძემ პირველი არხის ეთერში განაცხადა. ცერცვაძის განცხადებით, მას ინფორმაცია ახლახანს მიაწოდეს. მანამდე მან მედიასთან განაცხადა, რომ საავადმყოფოში პაციენტების რეკორდული რაოდენობა იმყოფება.
„ვინაიდან ბოლო დღეებში იმატა დადასტურებული შემთხვევების რაოდენობამ, ასევე ამ დადასტურებულ შემთხვევებს ჰყავთ ბევრი კონტაქტები, რომლებიც გამოსაკვლევად მოდიან საავადმყოფოში, პაციენტების რაოდენობა გაიზარდა“, – განაცხადა ინფექციური საავადმყოფოს დირექტორმა თენგიზ ცერცვაძემ განუცხადა.
მისი თქმით, ინფექციურში დღეს პაციენტების რეკორდული რაოდენობაა. „ 50 პაციენტი წევს ჩვენთან. მათგან 18-ის პასუხი უკვე მოვიდა და ეს პასუხები უარყოფითია. უახლოეს პერიოდში ისინი დატოვებენ კლინიკას და წავლენ ან თვითიზოლაციაში, ან კარანტინში. არსებობს კორონავირუსის 12 დადასტურებული შემთხვევა, ამჟამად ჩვენთან მოთავსებულია 11 პაციენტი, აქედან 2 დაინფიცირდა ირანში, დანარჩენები იტალიაში, ხოლო ბოლო ორი პაციენტი იტალიაში დაინფიცირებულებთან კონტაქტის შედეგად. მდგომარეობა 1 პაციენტის არის საშუალო სიმძიმის. თუმცა მის სიცოცხლეს საფრთხე არ ემუქრება. მე-12 პაციენტი ჩვენთან არ არის მოთავსებული. მე არ ვიცი ზუსტად სად იმყოფება იგი,“- აცხადებს ცერცვაძე.
