ცნობილი ამერიკელი ჯაზ მუსიკოსი და კომპოზიტორი, ჩიკ კორეა 79 წლის ასაკში გარდაიცვალა. ჯაზის ლეგენდა სიმსივნესთან ბრძოლაში დამარცხდა. ექიმებმა მას სიმსივნის იშვიათი ფორმა დაუდგინეს.
გრემის ჯილდოზე თითქმის 60-ჯერ იყო წარდგენილი და 23-ჯერ ამ პრესტიჟული ჯილდოს მფლობელი გახდა. გენიოსმა მუსიკოსმა მსოფლიოს მუსიკალური სამყარო რადიკალურად შეცვალა. ის გასული საუკუნის 60-იან წლებში ლეგენდარული მაილს დევისის ბენდის წევრი იყო და ელექტრონული ჯაზ ფიუჟენის მოძრაობის შექმნაში მონაწილეობდა.
ჩიკ კორეა ჯაზფესტივალის ფარგლებში, 2006 წელს საქართველოშიც იმყოფებოდა.
