პარტია გირჩმა პრაიმერიზის პრინციპით საარჩევნო სია დააკომპლექტა და საზოგადოებას წარუდგინა. სიის პირველი ათეული ასე გამოიყურება:
- ზურაბ გირჩი ჯაფარიძე
- ჰერმან საბო
- იაგო ხვიჩია
- ვახტანგ მეგრელიშვილი
- გია ჯაფარიძე
- ალექსანდრე რაქვიაშვილი
- ლევან ჯგერენაია
- სანდრო თარხან მოურავი
- ამირან ტორონჯაძე
- გიორგი ლომინაძე
სია გირჩის ამომრჩევლებმა გირჩის პორტალზე პარტიის ციფრული ვალუტის მეშვეობით შეადგინეს.
10–ეულში ვერ მოხვდა ქალი პოლიტიკოსი, მიუხედავად იმისა, რომ გენდერული კვოტების მიხედვით, პარტიამ ყოველი მე–4 ქალი უნდა წარადგინოს. გირჩი კვოტების წინააღმდეგია, ამიტომ მოცემულ კანონს საკონსტიტუციო სასამართლოში ასაჩივრებს. ზურაბ ჯაფარიძის თქმით, პარტიაში არ არსებობს არც ერთი ადამიანი, რომელსაც აქვს უფლებამოსილება, “აიღოს ეს სია და საკუთარი ხელით ჩაასწოროს და ვიღაცები ჩაამატოს, გინდა ქალი იყოს და გინდა კაცი”.
გირჩმა შესაძლოა მაჟორიტარობის კანდიდატები იმ რაიონებში წარადგინოს, სადაც ოპოზიცია საერთო კანდიდატზე შეთანხმებას ვერ მიაღწევს.