ირანის პარლამენტის წევრი, რომელსაც რამდენიმე დღის წინ კორონავირუსი დაუდგინეს, გარდაიცვალა. ინფორმაციას Independent-ი ავრცელებს.
მოჰამედ ალი რამზანი რასტაკი დღეს დილით გარდაიცვალა. ექიმების ცნობით, მას ირან-ერაყში ომის დროს მიყენებული ტრავმები ჰქონდა, რამაც დააჩქარა ვირუსის განვითარება.
ირანის ჯანდაცვის სამინისტროს ცნობით, ქვეყანაში კორონავირუსით უკვე 45 ადამიანი დაიღუპა. დაინფიცირებულთა რაოდენობა 593-ს აღწევს.
