სახელმწიფო უსაფრთხოებს სამსახურის განცხადებით, დააკავეს უცხო ქვეყნის 2 მოქალაქე, რომელიც ქუთაისში 3 მილიონ დოლარად გეგმავდნენ ბირთვული მასალა ურანისა და რადიაქტიური ნივთიერება ცეზიუმ-137-ის უკანონო შეძენას და სხვა ქვეყანაში გადატანას.
უწყების განცხადებით, კონტრდაზვერვისა და სპეციალური ოპერაციების დეპარტამენტის თანამშრომლებმა ოპერატიული ინფორმაციის დამუშავების შედეგად ბირთვული და რადიოაქტიური ნივთიერების უკანონო შეძენის მცდელობისას ქუთაისში უცხო ქვეყნის 2 მოქალაქე დააკავეს. რომლებიც გეგმავდნენ ბირთვული მასალა ურანისა და რადიოაქტიური ნივთიერება ცეზიუმ-137-ის უკანონო შეძენას 3 მილიონ აშშ დოლარად და მის უკანონო ტრანსპორტირებას სხვა ქვეყანაში.
“დანაშაულებრივი გეგმის განსახორციელებლად, უცხო ქვეყნის მოქალაქეები ბოლო კვირების განმავლობაში პერმანენტულად ჩამოდიოდნენ საქართველოში და აქტიურად იყვნენ დაკავებული ბირთვული მასალისა და რადიოაქტიური ნივთიერების შეძენა-ტრანსპორტირებისთვის ხელსაყრელი პირობების შესაქმნელად.საზოგადოებას განვუმარტავთ, რომ როგორც წესი, ზემოაღნიშნული ნივთიერებები გამოიყენება სხვადასხვა დანაშაულებრივი, მათ შორის, ტერორისტული მიზნებისთვის.გამოძიება სსკ-ის 19-130-ე მუხლის პირველი ნაწილით მიმდინარეობს.” – ნათქვამია უწყების განცხადებაში.
